గోరంత దీపం

వెలిగేటి దివ్వెను వెలుగులో వేలుగీయలేదనుచు వేలెత్తి దానిని నిందించనేల

వలయు చీకట్లు కనుగొని అచ్చోట నిలిపిన ఆ వెలుగే మనకు కనిపించు చాల

జడివాన కురియగా నదులు జలజలా పారగా ఆ జలధారనంతా జారవిడువనేల

జలముకై పుడమినే గుచ్చి గుచ్చి భూజల జాడనే తుడిచిపెట్టనేల

తడినేల ఓ వైపు పొడినేల ఓ వైపు నిలిచేతి ఈ వింత వైనమింకెంతసేపు

తడి నిలువ చేసుకొని దారినే మార్చగా పొడి గొంతు తడిసి మరుభూమి విరియగా ఇంకెంతసేపు

ఆకలి మించిన భోజనం బడలిక మించిన శయనం ఓ వైపు ఇది కనువిందు చేసేటి

ఆ కలి మీరి బువ్వ దొరకక నిదుర మరిచేరు కొందరు మరు వైపు ఇది కాన్చాగా హృదయమే ఛిద్రం

అవసరం గాంచి సమతౌల్యం సాధిద్దాం

అవనిలో జనులెల్ల సమమేనని చాటుదాం